Житие: Преподобниот маченик Дула
Живееше свето во еден манастир во Мисир. Некој од браќата од завист го наклевети за светотатство, кражба на црковни предмети. На невиниот Дула му го слекоа расото и му го предадоа на кнезот да го осуди. Кнезот нареди и го биеја и сакаа да му ги отсечат рацете, според законот за такви злосторства, но во тој миг се покаја братот што го предаде на суд и ја објави невиноста на Дула. Вратен во манастирот после дваесет години прогонство и понижувања, третиот ден тој се упокои во Господ. Неговото тело чудесно исчезна.
Тропар
Блажен си ти, Дуло мачениче, кој исповедничка служба пред Господа принесе, и верен слуга остана на Вистината. Радувај се сега при бесмртниот Бог, и за нас моли се пред Оној на Кого послужи.
